Pages

Saturday, October 27, 2012

अजूनही

मनामध्ये कुठे कुठे तुझे ठसे अजूनही
फुलांत राहिले सुगंध खूपसे अजूनही

दिशा दिशा जरी तमास शरण जाऊ लागल्या
लपून राहिलेत आत कवडसे अजूनही

दिशा ढगाळताच मी तुझीच वाट पाहतो
नभात दाटतात रोज भरवसे अजूनही

तुम्ही किती मुजोर राख पसरलीत गावभर!
(निमूट थंड झोपलेत कोळसे अजूनही!)

उगाच चेहरा पुन्हा पुन्हा पुसून पाहतो
तसेच काळवंडतात आरसे अजूनही

- नचिकेत जोशी (१६/११/२०१)

1 comment:

प्रियांका विकास उज्वला फडणीस said...

वाह ! एकसे बढकर एक शेर सगळेच!